Ótken ǵasyrdaǵy asharshylyq jaıly fılm túsirile bastady

NUR-SULTAN. QazAqparat - Elimizde «Óliara» atty tarıhı fılmniń túsirilimi bastaldy, dep habarlaıdy QazAqparat.

Bul jaıynda Sháken Aımanov atyndaǵy «Qazaqfılm» kınostýdııasynyń baspasóz qyzmeti málimet taratty.

Keshe «Qazaqfılm» kınostýdııasynyń óndiris jónindegi vıtse-prezıdenti Aıdar Batalov «Óliara» fılminiń túsirilim alańynda bolyp qaıtty.

Qazirgi tańda túsirilim jumystary Almaty oblysynda júrip jatyr.

Vengrııalyq rejısser Tamash Tottyń «Óliara» fılmi 30-jyldardaǵy qazaq dalasyndaǵy asharshylyq týraly baıandaıdy.

Rejısserdiń aıtýynsha, bul taqyrypqa fılm túsirýdi stýdent kezinde asharshylyq týraly alǵash estigende oılaǵan eken.

Fılmniń sıýjeti boıynsha atý jazasyna kesilgen Ishtvan Madıar qazaq aýylynyń jergilikti turǵyndarymen birlesip, qyzyl áskermen kúresýge májbúr.

Týyndy Sh.Aımanov atyndaǵy «Qazaqfılm» AQ bastamasymen «Ulttyq kınony qoldaý ortalyǵy» KEAQ qoldaýymen QR Mádenıet jáne sport mınıstrliginiń tapsyrysy boıynsha ázirlenip jatyr.