Ótken eki jylda 1200-deı talapker áskerı oqý ornyna tústi
Qazirgi tańda Qazaqstannyń úsh áskerı oqý orny jańa kýrsanttardy qabyldaýǵa daıyndyq ústinde. Bular - Qurlyq áskerleriniń áskerı ınstıtýty, Radıoelektronıka jáne baılanys áskerı-ınjenerlik ınstıtýty, eki márte Keńes odaǵynyń batyry T. Bıgeldınov atyndaǵy Áýe qorǵanysy kúshteri áskerı ınstıtýty.
Elimizdiń joǵarǵy áskerı oqý ornynyń birine túsýge nıet bildirýshiler UBT jáne KT-dan tıisti deńgeıde ball jınaýy tıis. Qoldanystaǵy erejege sáıkes, qajetti qujattarmen birge, joǵarǵy áskerı oqý ornynyń atyn jáne mamandyǵyn kórsetip, ótinishin jergilikti áskerı basqarý organdaryna (áskerı komıssarıatqa) jiberýi tıis. Tizim qurylǵan soń joǵarǵy áskerı oqý ornynyń bastyǵy qabyldanǵan kandıdatpen bilim berý qyzmetin kórsetý týraly jáne áskerı qyzmet ótkerý týraly kelisimshartty bekitedi, sondaı-aq ony joǵarǵy áskerı oqý orny esepke alǵany týraly buıryq shyǵarady.