Ótken demalys kúnderi Salvadorda 54 adam qaza tapty
ASTANA. QazAqparat - Ótken demalys kúnderi Salvadorda (Ortalyq Amerıkada ornalasqan memleket) 54 adam óltirildi, dep habarlaıdy TASS.
Keltirilgen málimetter boıynsha, 15 tamyzda - 14 adam, 16 tamyzda - 40 adam qaza tapqan. Bulardyń jartysynan kóbi qylmystyq toptardyń ózara qaqtyǵysy kezinde jáne quqyq qorǵaý organdary qyzmetkerlerimen qaqtyǵys kezinde ajal qushqan. Sot medıtsına ınstıtýtynyń málimeti boıynsha, Salvadorda osy aı boıy kún saıyn 25 adam kisi qolynan qaza taýyp otyrǵan.
Bul elde 60 myńnan astam adam qylmystyq toptardyń múshesi bolyp tabylady. Al polıtsııa qatarynda qyzmet etetinderdiń sany budan eki esege az.
Qylmystyq toptardyń ishinde "Mara Salvatrýcha" jáne "Barrıo 18" qylmystyq toptar arasyndaǵy eń irisi jáne qatygezdigimen aty shyqqan.
