Ótken demalys kúnderi respýblıka joldarynda 4 adam qurban bolyp, 3-ýi zardap shekti - TJM
ASTANA. Aqpannyń 1-i. QazAqparat - Ótken senbi jáne jeksenbi kúnderi respýblıkada jol-kólik apattarynda 4 adam qaza bolyp, 3 adam zardap shekti,
dep habarlady búgin, qańtardyń 1-i kúni QR TJM-nyń baspasóz qyzmeti.
Vedomstvodan habarlaǵandaı, jol apattarynyń biri senbi, qańtardyń 30-y kúni Petropavl qalasyndaǵy Beıbitshilik kóshesiniń boıynda oryn aldy. «Aýdı» avtokóligin mingen 48 jastaǵy azamat 74-tegi keıýanany qaǵyp ketip, ol alǵan jaraqattardan aýrýhanada kóz jumdy.
Jaıaý júrginshige qatysty taǵy bir jazataıym oqıǵa, jeksenbi kúni Aqtóbe qalasyndaǵy «Samara-Shymkent» avtojolynyń 772-shi shaqyrymynda boldy. «VAZ» kóliginiń astyna túsken 58 jastaǵy áıel sol orynda jantásilim etti.
Osy kúni Almaty oblysynyń Balqash aýdany «Qapshaǵaı-Qaraoı» tas jolynyń 87-shi shaqyrymynda eki «Toıota» kólikteriniń soqtysyǵýy bolyp, onyń saldarynan bir jolaýshy oqıǵa ornynda qaza tapty.
Al Semeı qalasyndaǵy Qarajyr razezinde «ÝAZ» kólikteriniń soqtyǵysýynan kólikterdiń biriniń 46 jastaǵy jolaýshysy qurban bolyp, eki júrgizýshi men taǵy bir jolaýshy túrli jaraqattarmen aýrýhanaǵa jetkizildi.
