Ótken demalys kúnderi respýblıka joldarynda 15 adam mert bolyp, 12 adam zardap shekti
ASTANA. Jeltoqsannyń 7-si. QazAqparat - Ótken senbi jáne jeksenbi kúngi demalystarda Qazaqstannyń avtojoldarynda 15 adam qaıtys bolyp, taǵy 12 adam túrli dene jaraqattaryn aldy,
dep habarlady QR Tótenshe jaǵdaılar mınıstrliginen.
Іri apattardyń qatarynda jeltoqsannyń 5-i kúni Almaty oblysy Almaty-Bishkek avtojolynyń 39-shy shaqyrymynda «Mersedes» avtokóliginiń aýdarylýy saldarynan 19 jastaǵy jasóspirim men 10 jáne 7 jastaǵy balalardyń qazasymen aıaqtalǵan oqys oqıǵa bar.
Osy kúni sondaı-aq, Almaty-Molovodnoe-Esik avtojolynyń 35-shi shaqyrymynda «Nıssan» jáne «GAZ» avtokólikteriniń soqtyǵysýy oryn alyp, onyń saldarynan jeńil avtokóliktiń júrgizýshisi men onyń 58 jastaǵy jolaýshysy oqıǵa ornynda mert boldy.
Qaraǵandy oblysy Qaraǵandy-Abaı avtojolynyń 5-shi shaqyrymynda «Folksvagen» shaǵyn avtobýsy men «Aýdı» avtokóliginiń túıisýinen, «Aýdıdiń» 39 jastaǵy jolaýshysy alǵan jaraqattardan aýrýhanada jan tásilim etse, onyń júrgizýshisi men 9 jastaǵy taǵy bir jolaýshysy jáne shaǵyn abtobýsqa mingen 5 jolaýshy aýrýhanaǵa jetkizildi.
Jeltoqsannyń 6-sy kúni Almaty oblysy Almaty-Uzynaǵash avtojolynyń 56-shy shaqyrymynda «Mersedes» avtokóliginiń aýdarylýy saldarynan onyń 41 jastaǵy jolaýshysy sol orynda ólim qushty, 34 jasar júrgizýshisi aýrýhanaǵa jetkizildi.
Sonymen qatar, Qaraǵandy qalasy Poltavskıı kóshesiniń boıynda saǵat 17.10-da «Aýdı» jáne «Leksýs» avtokólikteriniń qatysýymen bolǵan jol-kólik oqıǵasynda, birinshi kóliktiń jolaýshysy mert bolyp, ony basqarǵan júrgizýshi men «Leksýstyń» jolaýshysy túrli dene jaraqattarymen aýrýhanaǵa tústi.
