Ótken demalys kúnderi elordada 24 mas júrgizýshi ustaldy
ASTANA. 11 sáýir. QazAqparat - Ótken demalys kúnderi elordada 24 mas júrgizýshi ustaldy, dep habarlady qalalyq ІІD Jol polıtsııasy basqarmasynyń baspasóz qyzmetinen.
Baspasóz qyzmetiniń atap ótýinshe, demalys kúnderi jol polıtsııasynyń qozǵalysty jiti qadaǵalaýy barysynda 1312 túrli sıpattaǵy jol erejesiniń buzylý derekteri anyqtalǵan. Onyń ishinde 24 júrgizýshi kólikti mas kúıde basqarǵany úshin ustalǵan. Sondaı-aq 110 júrgizýshige jyldamdyqty belgilengen shekten asyrǵany úshin ákimshilik hattama toltyrylǵan.
«Qozǵalystyń qarsy betine shyǵýdyń 18, kólikti qujatsyz basqarýdyń - 10, qozǵalys barysynda uıaly telefondy paıdalanýdyń - 45 deregi tirkeldi. 24 avtokólik aıyp turaǵyna qoıyldy», - delingen habarlamada.
