Ótken demalys kúnderi el joldarynda 5 jol-kólik oqıǵasy oryn aldy, adam shyǵyny bar
ASTANA. Qarashanyń 30-y. QazAqparat - Ótken senbi jáne jeksenbi kúngi demalystarda respýblıka joldarynda 8 adam mert bolyp, 10 adam túrli dárejedegi dene jaraqattaryn aldy,
dep habarlaıdy QazAqparat QR TJM-ǵa silteme jasap.
Іri jol-kólik oqıǵasy qarashanyń 28-i kúni Qostanaı oblysy Fedorovka aýylynda «Mazda» jáne "Volvo" avtokólikteriniń qatysýymen boldy. Onyń saldarynan birinshi kóliktiń júrgizýshisi jáne onyń úsh jolaýshysy oqıǵa ornynda kóz jumdy.
Sondaı-aq osy kúni Jambyl oblysy Almaty-Astana avtojolynyń 420-shy shaqyrymynda «Opel», «MAN» jáne «Mersedes» avtokólikteriniń soqtyǵysýy oryn aldy. Oqys oqıǵa eki adamnyń ólimine sebepshi boldy.
Al jeksenbi kúni, Qaraǵandy oblysy Abaı aýdanyndaǵy Qaraǵandy-Jezqazǵan avtojolynyń 55-shi shaqyrymynda «VAZ» úlgisindegi eki kóliktiń túıisýinen bes adam aýrýhanaǵa jetkizildi, qurban bolǵandar joq.
Sonymen qatar, osy aımaqtaǵy Osakarov aýdany Almaty-Ekaterınbýrg avtojolynyń 1340 shaqyrymynda «Toıota» jáne «Shkoda» avtokólikteri júrgizýshileriniń kólikti basqarý kezinde jibergen uqypsyzdyǵynan, «Shkodanyń» júrgizýshisi oqıǵa ornynda mert bolyp, onyń 4 jolaýshysy aýrýhanaǵa jetkizildi.
