Ótken demalys kúnderi Astana polıtseıleri 19 mas júrgizýshini ustady
ASTANA. 12 qyrkúıek. QazAqparat - Ótken demalys kúnderi Astananyń jol polıtsııasy qyzmetkerleri kólikke mas kúıinde otyrǵan 19 júrgizýshini ustady.
Bul týraly qalalyq ІІD-niń Jol polıtsııasy basqarmasynan habarlady.
Taratylǵan habarlamada, senbi jáne jeksenbi kúnderi jol qozǵalysyn qadaǵalaý barysynda polıtseıler Jolda júrý erejesin buzýshylyqtyń 1 232 faktisi anyqtalǵandyǵy málim etilgen. Solardyń ishinde 19 júrgizýshi kólik quralyna ishimdikke toıyp alǵan kúıinde otyrǵany úshin, 16-sy qarsy betke shyǵyp ketkeni úshin, 22-si mashınany qujattarsyz basqarǵany úshin, 63-si qozǵalys barysynda uıaly telefondy paıdalanǵany úshin toqtatyldy. Sondaı-aq, mejelengen jyldamdyqty asyrǵan 52 júrgizýshige ákimshilik hattamalar toltyrylyp, taǵy 30 avtokólik aıyp turaǵyna jetkizildi.
