Ótken demalys kúnderi Astana qalasynyń jol polıtseıleri 1 myńnan astam buzýshylyqty anyqtady
ASTANA. Qyrkúıektiń 8-i. QazAqparat - Ótken demalys kúnderi Astana qalasynyń jol polıtseıleri 1 myńnan astam buzýshylyqty anyqtady. Bul týraly Jol polıtsııasy basqarmasynan málim etti.
«Demalys kúnderi jol qozǵalysyn qadaǵalaý barysynda jol saqshylary 1247 túrli buzýshylyqtardy anyqtady», delingen taratylǵan baspasóz habarlamasynda.
Onyń ishinde 37 júrgizýshi rólge mas kúıinde otyrǵany úshin ustaldy. Jyldamdyqty tym asyrǵany úshin 163 júrgizýshige ákimshilik hattama toltyryldy. Sonymen qatar, 16 júrgizýshige - qarsy jolǵa shyǵyp ketkeni úshin, 24 - kóliktiń tehnıkalyq jaǵdaıy úshin, 25 - kólik quralyna qujatsyz otyrǵany úshin, 36 - qozǵalys kezinde uıaly telefondy qoldanǵany úshin aıyppuldar salyndy. Aıyppul turaǵyna 36 avtokólik jetkizildi.
