Ótken demalys kúnderi Almatyda 133 mas júrgizýshi ustaldy
ALMATY. Mamyrdyń 31-i. QazAqparat /Erbol Azanbek/ - Almatyda ótken keń aýqymdy tekserister nátıjesinde ótken demalys kúnderi 133 mas júrgizýshi ustaldy,
dep habarlaıdy QazAqparat ІІD baspasóz qyzmetine silteme jasap.
«Úsh kún ishinde jol polıtsııasy qyzmetkerleri 5 myńnan astam jol erejesin buzý oqıǵalary anyqtady. Onyń ishinde 468 júrgizýshi jyldamdyq erejesin buzsa, 238 -i qaýipsizdik beldigin taqpaǵan, 83 júrgizýshi joldyń qarsy betine shyǵyp ketken», deıdi qalalyq ІDD jol polıtsııasy basqarmasy bastyǵynyń orynbasary Muhtar Amanbekov. Onyń aıtýynsha, shara barysynda áli kúnge deıin terezesine qara úldirik japsyryp júrgen júrgizýshiler de kezikken. 10 adam ereje buzýdyń osy túrimen ustalsa, 84 júrgizýshide júrgizýshi kýáligi múldem bolmaǵan. Jolda júrý erejesin buzǵan 491 jaıaý júrginshi de jaýapqa tartylyp, 198 kólik quraly aıyp turaǵyna qoıylǵan.
