Ótken demalys kúnderi Aqtóbe oblysynda 1500 gektardan astam dalaly alqap órtke orandy

Máselen, senbi, shildeniń 31-i kúni Alǵa aýdany Ilınka aýyldyq okrýginde bolǵan órttiń jalpy aýmaǵy 1 myń gektardy qurady. Ot tamyzdyń 1-i tańerteńgi saǵat 4 jarymda Aqtóbe oblysy boıynsha TJD órtke qarsy qyzmetiniń 3 adamy men 1 tehnıkasynyń jáne jergilikti 8 turǵynnyń kúshimen sóndirildi.

Sondaı-aq osy kúni 13.15-te, Áıteke bı aýdanyna qarasty Komsomolskıı aýyldyq okrýginiń Qarakól eldi-mekeninde 400 gektar alqap otqa orandy. Tilsiz jaý oblys boıynsha TJD órtke qarsy qyzmeti men jergilikti halyqtyń kúshimen 10 saǵattan keıin aýyzdyqtaldy.

Tamyzdyń 1-i kúni órt Aqtóbe qalasynyń aýmaǵyndaǵy Blagodarnyı aýyldyq okrýginiń 150 gektar jerinde boldy. Tótenshe jaǵdaıdy joıýǵa oblys boıynsha TJD órtke qarsy qyzmetiniń 11 adamy men 2 tehnıkasy ján aýyldyq okrýgtiń 13 adamy men 3 tehnıkasy jumyldy.

Qutqarýshylardyń aıtýynsha, tótenshe jaǵdaılardan zardap shekkender men qurban bolǵandar joq.