Ótken demalys kúnderi Aqtóbe oblysynda 1 myń gektarǵa jýyq dalalyq alqap órtke orandy

Qazaqstannyń Tótenshe jaǵdaılar mınıstrliginen málim etkendeı, shildeniń 24-i kúni Temir aýdanyna qarasty Aqsaı jáne Altyqarasý aýyldyq okrýgterinde 230 ga jer órtke orandy. Tilsiz jaý oblys boıynsha órtke qarsy qyzmeti men erikti qurylymdardyń kúshimen bir jarym táýlikten keıin sóndirildi.

Sondaı-aq, shildeniń 25-i kúni Hromtaý aýdanynan 75 shaqyrym jerdegi Bógetsaı aýyldyq okrýginiń aýmaǵyndaǵy alqap jandy. Jalyn aýyl halqy men oblys boıynsha órtke qarsy qyzmetiniń kúshimen 500 ga aýmaqta aýyzdyqtaldy.

Osy kúni keshqurym órt, Alǵa aýdany, Besqospa aýyldyq okrýginen shyqty. Jalynnyń sharpyǵan aýmaǵy 200 gektardy qurady. Tótenshe jaǵdaımen kúreske TJM Aqtóbe oblysy boıynsha TJD órtke qarsy qyzmetiniń jeke quramdaǵy 6 adamy men 1 tehnıkasy, aýyldyq okrýgtiń 15 turǵyny men 4 tehnıkasy jumyldyryldy.

Qutqarýshylardyń sózine qaraǵandaı, barlyq jaǵdaıda da qurbandar men zardap shekkender joq.