Ótken demalys kúnderi 7 adam sýǵa ketti - TJM
ASTANA. 18 shilde. QazAqparat - Ótken demalys kúnderi elimizdiń ashyq sý kózderinde 7 adam sýǵa ketti, birneshe kún buryn sýǵa ketken bir adamnyń denesi tabyldy dep habarlaıdy Tótenshe jaǵdaılar mınıstrliginiń baspasóz qyzmetinen.
16 shilde kúni Soltústik Qazaqstan oblysynyń Qyzyljar aýdanynda Esilge 1957 jyly týǵan J.Sársekeev degen azamat sýǵa batyp ketti. Onyń denesin sýdan qutqarýshylar alyp shyqty.
Sol kúni Almaty oblysynda eki er azamat sýǵa ketti: Qapshaǵaı sý qoımasyna shomylyp júrgen jerinde 1986 jyly týǵan N.Prokofev degen azamat, Balqash kólinde 1970 jyly týǵan. K.Samyltyrov degen azamat sýǵa batyp ketti. Olardyń denelerin sýdan jergilikti turǵyndar alyp shyqty.
Senbi kúni Qyzylorda oblysynyń Qazaly aýdanynda 1976 jyly týǵan S.Kenjeevtiń denesi sýdan alyp shyǵaryldy. Ol 14 shilde kúni «Basyqara» eldi mekeniniń irgesindegi 13-shi kanalǵa sýǵa batyp ketken edi.
17 shildede Semeı qalasynda qazanshuńqyrda shomylyp júrgen jerinde 1988 jyly týǵan D.Myrzageldıev degen azamat sýǵa ketti. Onyń denesin sýdan qutqarýshylar alyp shyqty.
Bul kúni Batys Qazaqstannyń Jańaqala aýdanynda Kóshim ózenine 1986 jyly týǵan E.Nurǵalıev degen azamat sýǵa batyp ketti. Onyń denesin sýdan jergilikti turǵyndar alyp shyqty.
Al Aqsý qalasynda jeksenbi kúni 1984 jyly týǵan R.Haırýddınov degen azamat Ertiske batyp ketti. Onyń denesin sýdan qutqarýshylar alyp shyqty.
Qapshaǵaı qalasynda keshe qalalyq jaǵajaıda qaıǵyly oqıǵa oryn aldy - 1989 jyly týǵan D.Qojabekova degen boıjetken sýǵa batyp ketti. Onyń denesin sýdan qutqarýshylar alyp shyqty.
