Ótken demalys kúnderi 55 mas kólik júrgizýshi ustaldy - Astana qalasynyń Jol polıtsııasy
ASTANA. Tamyzdyń 10-y. QazAqparat - Ótken demalys kúnderi, tamyzdyń 7-si jáne 8-de Astana qalasynda kólikti mas kúıinde basqarǵan 55 júrgizýshi ustaldy,
dep habarlaıdy QazAqparat Astana qalalyq Jol polıtsııasy basqarmasynyń baspasóz qyzmetine silteme jasap.
«Elordada 55 júrgizýshi ishimdik iship kólikti basqarǵany úshin ustaldy. Jyldamdyqty shamadan tys asyrǵan 195 júrgizýshige ákimshilik hattamalar toltyryldy. Al 24 júrgizýshige qarsy bettegi jol bóligine shyqqan úshin, 37 júrgizýshige tehnıkalyq jaǵdaıy saı emes kólikti basqarǵany úshin aıyppul salyndy», delingen baspasóz habarlamasynda.
Sonymen qatar atalǵan kúnderi avtokólikti júrgizý kezinde uıaly telefonmen sóılesken 28 júrgizýshige, qajetti qujattarynsyz kólik basqarǵan 35 adamǵa ákimshilik hattamalar toltyrylǵan. 54 kólik aıyp turaǵyna qoıyldy.
Jalpy, ótken aptada Astanada 8 jol-kólik oqıǵasy tirkelip, onda 9 adam túrli jaraqattar aldy.
