Ótken bes aıda halyqtyń aqshalaı tabysy 2,4 paıyzǵa ósti

Bul rette qańtar-maýsym aılary aralyǵyndaǵy naqty jalaqy 0,5 paıyzǵa, nomınaldy jalaqy 7 paıyzǵa ósip, 104 myń teńgeni qurady. Bul týraly búgin aǵymdaǵy jyldyń birinshi jartyjyldyǵyndaǵy áleýmettik-ekonomıkalyq damý qorytyndylary talqylanǵan Úkimet otyrysynda Ekonomıka jáne bıýdjettik josparlaý mınıstri Erbolat Dosaev málim etti.

«Eńbek naryǵyndaǵy jaǵdaı da turaqty bolyp otyr. Maýsym aıyndaǵy jumyssyzdyq deńgeıi 5,2 paıyzdy quraıdy», - deıdi E. Dosaev. Onyń sózine qaraǵanda, ekonomıka salalaryndaǵy oń úderisterge qol jetkizýge, ınvestıtsııalyq belsendiliktiń saqtalýyna kóbinese elimizdegi ındýstrııalyq-ınnovatsııalyq damý baǵdarlamasy óz septigin tıgizip otyr. Máselen, 2013 jyldyń birinshi jartyjyldyǵynda atalmysh baǵdarlama aıasynda 71,6 mlrd. teńgeniń 34 jobasy iske qosylǵan. Sonyń nátıjesinde 2 myń 300-ge tarta turaqty jumys oryndary quryldy.

«Jalpy, ındýstrııalandyrý baǵdarlamasy aıasynda 2013 jylǵa 556 mlrd. teńgeniń 146 jobasy josparlanyp otyr. Osynyń arqasynda 14 myńnan astam turaqty jańa jumys oryndary ashylmaq», - dedi mınıstr.