Ótken aıda ónerkásip jáne saýda kásiporyndarynyń iskerlik belsendiligi birshama joǵarylady
ASTANA. Mamyrdyń 12-si. QazAqparat /Qanat Mámetqazyuly/ - Aǵymdaǵy jyldyń sáýir aıynda elimizdegi ónerkásip jáne saýda kásiporyndarynyń iskerlik belsendiligi birshama joǵarylady,
dep habarlaıdy QazAqparat.
Statıstıka agenttiginiń málimetterine qaraǵanda, elimizdegi ónerkásip kásiporyndarynyń basshylary 2010 jylǵy sáýirde ótken aımen salystyrǵanda daıyn ónimge suranystyń jáne óndiris kóleminiń ósýin atap ótken. Bul olardyń iskerlik belsendiliginiń joǵarylaýyna sebepshi bolyp otyr. Sonymen berge, 2010 jylǵy sáýirde ónerkásip kásiporyndarynyń iskerlik belsendiligin sıpattaıtyn kásipkerliktiń senimdilik ındeksi ótken aımen salystyrǵanda 4 paıyzdyq tarmaqqa ósip, (+8) paıyzdy quraǵan (maýsymdyq faktor esebimen).
Sondaı-aq saýalnamaǵa qatysqan kásiporyndar basshylary 2010 jyldyń shildesine deıin iskerlik belsendiliktiń ósýi kútiledi dep kórsetken. Budan bólek, 2010 jylǵy sáýirde ótken aımen salystyrǵanda saýda kásiporyndarynyń iskerlik belsendiligi aıtarlyqtaı ózgermegen.
