Ótken aıda óndirýshi kásiporyndardyń baǵasy ózgerissiz qaldy - Statıstıka
ASTANA. Sáýirdiń 2-si. QazAqparat /Qanat Mámetqazyuly/ - Aǵymdaǵy jyldyń naýryz aıynda elimizdegi ónerkásip ónimderin óndirýshi kásiporyndardyń baǵasy ózgerissiz qaldy.
Bul týraly QazAqparat Statıstıka agenttiginiń baspasóz qyzmetine silteme jasap habarlaıdy.
«Aǵymdaǵy jylǵy naýryzda aqpan aıymen salystyrǵanda baǵa óńdeý ónerkásibinde 0,1 paıyzǵa tómendedi, kerisinshe elektr energııasyn, gaz ben sý óndirý jáne bólýde - 0,3 paıyzǵa joǵarylady. Al ken óndirý ónerkásibindegi baǵa ózgerissiz qaldy», delingen baspasóz aıǵaǵynda. Sonymen birge, naýryz aıynda baǵanyń benzınge - 5,3 paıyz, kerosınge - 4,3 paıyz, dızel otynyna - 2,6 paıyz, kómirge - 0,6 paıyz, elektr energııasyna - 0,5 paıyz, munaıǵa - 0,4 paıyz, jylý energııasyna - 0,1 paıyzǵa joǵarylaýy tirkelgen. Sonymen bir mezgilde, gaz kondensatyna - 4,2 paıyz, tabıǵı gazǵa - 1,6 paıyz, otyndyq mazýtqa - 0,3 paıyzǵa tómendeýi baıqaldy.
Budan bólek, ótken aı ishinde kondıter ónimderi 5,8 paıyz, shaı - 1,9 paıyz, qus eti - 1,7 paıyz, mal eti - 1,2 paıyz, sút ónimderi - 0,6 paıyz, balyq - 0,5 paıyzǵa qymbattaǵan. Al bıdaı uny - 2,2 paıyzǵa, qara bıdaı bıdaı uny - 1,3 paıyzǵa, makaron ónimderi - 0,7 paıyzǵa, jarmalar - 0,1 paıyzǵa arzandady.
