Ótken aıda kúnkóristiń eń tómengi deńgeıi 17 myń 188 teńgeni qurady
ASTANA. 2 shilde. QazAqparat - 2012 jylǵy maýsym aıynda elimizdegi kúnkóristiń eń tómengi deńgeıiniń shamasy17 myń 188 teńgeni qurady. Bul týraly Statıstıka agenttiginen habarlandy.
Agenttik málimetine qaraǵanda, negizgi tamaq ónimderin tutynýdyń eń tómengi normalarynan eseptelgen orta eseppen halyqtyń jan basyna shaqqandaǵy kúnkóristiń eń tómengi deńgeıiniń shamasy 2012 jylǵy maýsymda ótken aımen salystyrǵanda 6,6 paıyzǵa ósti. Al osy kórsetkish 2011 jylǵy maýsymmen salystyrǵanda 2 paıyzǵa artyq. «Onyń qurylymynda et pen balyqty satyp alýǵa jumsalǵan shyǵystardyń úlesi 22,7 paıyz, sút, maı jáne toń maı ónimderi men jumyrtqa - 15,2 paıyz, jemister men kókónister - 12,6 paıyz, nan jáne jarma ónimderi - 7,3 paıyz, qant, shaı jáne dámdeýishter - 2,2 paıyzdy qurady», - delingen baspasóz baıanynda.
