Ótken aıda kúnkóristiń eń tómengi deńgeıi 16 myń 983 teńgeni qurady

Agenttiktiń baspasóz qyzmetiniń málimetine sáıkes, negizgi tamaq ónimderin tutynýdyń eń tómengi normalarynan eseptelgen orta eseppen halyqtyń jan basyna shaqqandaǵy kúnkóristiń eń tómengi deńgeıiniń shamasy 2013 jylǵy qańtarda ótken jeltoqsan aıymen salystyrǵanda 1,7 paıyzǵa ósken. Al bul kórsetkish 2012 jylǵy qańtarǵa qaraǵanda 7,4 paıyzǵa artyq. «Onyń qurylymynda et pen balyqty satyp alýǵa jumsalǵan shyǵystardyń úlesi 23,6 paıyzdy, sút, maı jáne toń maı ónimderi men jumyrtqany - 16,3 paıyzdy, jemister men kókónisterdi - 10,2 paıyzdy, nan jáne jarma ónimderin - 7,8 aıyzdy, qant, shaı jáne dámdeýishterdi - 2,1 paıyzdy qurady», - delingen baspasóz habarlamasynda.