Ótken aıda kúnkóristiń eń tómengi deńgeıi 14 myń 353 teńgeni qurady - Statıstıka agenttigi
ASTANA. Qazannyń 2-ci. QazAqparat - Elimizde 2010 jyldyń qyrkúıek aıynda kúnkóristiń eń tómengi deńgeıiniń shamasy 14 myń 353 teńgeni qurady.
Statıstıka agenttiginiń málimetterine qaraǵanda, negizgi tamaq ónimderin tutynýdyń eń tómengi normalarynan eseptelgen orta eseppen halyqtyń jan basyna shaqqandaǵy kúnkóristiń eń tómengi deńgeıiniń shamasy 2010 jylǵy qyrkúıekte ótken aımen salystyrǵanda 1,6 paıyzǵa azaıǵan. Al bul kórsetkish 2009 jylǵy qyrkúıekpen salystyrǵanda 8,3 paıyzǵa ósken. Onyń qurylymynda et pen balyqty satyp alýǵa jumsalǵan shyǵystardyń úlesi 18,9 paıyz, sút, maı, toń maı ónimderi men jumyrtqa - 14,6 paıyz, jemister men kókónister - 15,8 paıyz, nan jáne jarma ónimderi - 8,1 paıyz, qant, shaı jáne dámdeýishter satyp alý - 2,6 paıyzdy qurady.
