Ótken aıda Qazaqstannyń iri jáne orta kásiporyndaryna 100 myńǵa jýyq adam qabyldandy
ASTANA. 21 qazan. QazAqparat - Jedel derekterge sáıkes aǵymdaǵy jylǵy qyrkúıekte iri jáne orta kásiporyndarǵa, sondaı-aq uıymdarǵa 99,3 myń adam qabyldandy, túrli sebeptermen - 88,8 myń adam jumystan ketti. Bul týraly QR Statıstıka agenttiginen habarlandy.
Jumystan ketken qyzmetkerlerdiń arasynda turaqtamaý sebepteri boıynsha jumystan bosatylǵandar 86,7%, qyzmetkerler sanynyń qysqartylýyna nemese kásiporynnyń taratylýyna baılanysty - 3,7%, basqa sebepter boıynsha - 9,6% quraıdy.
Aǵymdaǵy jylǵy qyrkúıekte jumysqa qabyldaý boıynsha aınalym koeffıtsıenti 3,1%, jumystan bosatý boıynsha aınalym - 2,7%, jumys kúshiniń turaqsyzdyq koeffıtsıenti - 2,4% qurady. Osy kezeńde jumys kúshin aýystyrý koeffıtsıenti 111,8% qurady.
