Ótken aıda Qazaqstanda kúnkóristiń eń tómengi deńgeıi 17 353 teńgeni qurady

Bul týraly QR Statıstıka agenttiginiń baspasóz qyzmetinen habarlandy.

Agenttik málimetterine qaraǵanda, negizgi tamaq ónimderin tutynýdyń eń tómengi normalarynan eseptelgen orta eseppen halyqtyń jan basyna shaqqandaǵy kúnkóristiń eń tómengi deńgeıiniń shamasy 2013 jylǵy mamyrda ótken aımen salystyrǵanda - 1 paıyzǵa, al 2012 jylǵy mamyrmen salystyrǵanda 7,7 paıyzǵa ósti.

Onyń qurylymynda et pen balyqty satyp alýǵa jumsalǵan shyǵystardyń úlesi 23,3 paıyzdy, sút, maı jáne toń maı ónimderi men jumyrtqany satyp alý 15,9 paıyzdy quraǵan. Sonymen qatar, kúnkóristiń eń tómengi deńgeıiniń qurylymynda jemister men kókónisterdi satyp alý 11 paıyz, nan jáne jarma ónimderi 7,7 paıyz, qant, shaı jáne dámdeýishter 2,1 paıyzdy quraǵan.