Ótken aıda Qazaqstanda býhgalterler men bas aspazshylar mamandyqtary joǵary suranysqa ıe boldy
ASTANA. 2 aqpan. QazAqparat - «Meniń jalaqym» (Mojazarplata.kz) atty Internet-resýrsy Qazaqstanda bıylǵy qańtarda joǵary suranysqa ıe bolǵan mamandyqtardyń reıtıngin jasady.
Atalǵan reıtıngte orta býyn basshylyǵynyń orny kósh bastap keledi. Ekinshi orynda suranysqa ıe qyzmetterdiń ishinde shtattyq býhgalterler tur. Osy mamandardyń jalaqysy saǵatyna 210-1328 teńgeni quraıdy eken. Úshinshi orynǵa sulýlyq salondarynyń ákimshileri taban tirep otyr. Qyzmet kórsetý salasyndaǵy qazaqstandyq kompanııalar qyzmetkerleriniń aılyǵy saǵatyna 116-1147 teńge aralyǵynda aýytqyp tur.
Sonymen qatar, reıtıngte bas aspazshynyń kómekshisi, jeńil avtokóliktiń júrgizýshisi, terapevt-dáriger, satý boıynsha menedjerler, veb-dızaınerler, saýda keńesshiler, qazaq tilinen aýdarmashylar, sondaı-aq bıotehnologtar kezdesedi.
