Ótken aıda Qazaqstanda bir bólmeli páterler kóp satylǵan
ASTANA. QazAqparat – Qazaqstanda jeltoqsan aıynda bir bólmeli páterler eń kóp satylǵan. Bul týraly Ulttyq statıstıka bıýrosynan málim etti, dep habarlaıdy QazAqparat.
2022 jylǵy jeltoqsanda baspanany satyp alý-satý boıynsha 33 587 mámile jasaldy, onyń 7 554-i – jeke úıler, 26 033-i kópqabatty úıdegi páterler boıynsha. 2022 jyldyń qarashasymen salystyrǵanda (33 797) turǵyn úı mámileleriniń sany 0,6% azaıǵan. Eń kóp kelisim Almaty (8 063 – 24,0%) jáne Astana (5 004 – 14,9%) qalalarynda jasalǵan, eń azy – Ulytaý oblysynda (343 – 1%).
Qarasha aıymen salystyrǵanda jeltoqsan aıynda eń kóp ósim Aqtóbe (20,8%) oblysynda jáne Almaty (14,0%), Shymkent (9,8%) qalalarynda tirkeldi. Bir aıdaǵy eń úlken tómendeý Soltústik Qazaqstan (-25,3%), Shyǵys Qazaqstan (-19,4%) oblystarynda jáne Astana(-15,0%) qalasynda boldy.
Ótken jyldyń jeltoqsan aıynda qarashamen salystyrǵanda kópqabatty úıdegi baspanany satý-satyp alý 236-ǵa artyp, barlyǵy 26 033 mámileni qurady. Bul mámilelerdiń jalpy sanynyń – 77,5%. Bólmeler sany boıynsha – 1 bólmeli páterler eń kóp satylǵan, jeltoqsan aıynda 10 384 kelisim jasaldy. Saýdanyń negizgi úlesi Almaty jáne Astana qalalaryna tıesili (61%). Eki bólmeli páter boıynsha 9 062 mámile jasaldy.
Ótken jyldyń jeltoqsan aıynda qarashamen salystyrǵanda jeke turǵyn úılerdi satý-satyp alý kelisimderinińsany 446-ǵa azaıyp, 7 554-ti qurady. Jer úıler eń kóp Mańǵystaý oblysynda (+49 mámile) satylǵan. Qaraǵandy oblysynda (-110 mámile) satylyp tómen bolǵan.
2022 jylǵy jeltoqsanda 2021 jylǵy jeltoqsanmen salystyrǵanda baspanany satý-satyp alý sharttary 64,6% azaıdy.
