Ótken aıda elimizdegi kúnkóristiń eń tómengi deńgeıi 20 myń 442 teńgeni qurady
ASTANA. QazAqparat - 2015 jyldyń qyrkúıek aıynda elimizdegi kúnkóristiń eń tómengi deńgeıiniń shamasy 20 myń 442 teńgeni qurady. Bul týraly Ulttyq ekonomıka mınıstrligi Statıstıka komıtetiniń baspasóz qyzmetinen habarlandy.
Atap aıtqanda, negizgi tamaq ónimderin tutynýdyń eń tómengi normalarynan eseptelgen orta eseppen halyqtyń jan basyna shaqqandaǵy kúnkóristiń eń tómengi deńgeıiniń shamasy qyrkúıek aıynda tamyz aıymen salystyrǵanda 1,4 paıyzǵa tómendegen. Al bul kórsetkish 2014 jylǵy qyrkúıekpen salystyrǵanda 0,6 paıyzǵa joǵary.
«Kúnkóristiń eń tómengi deńgeıiniń qurylymynda et pen balyqty satyp alýǵa jumsalǵan shyǵystardyń úlesi 20,3 paıyzdy, sút, maı jáne toń maı ónimderi men jumyrtqa - 15,4 paıyzdy quraǵan. Sonymen qatar, bundaǵy jemister men kókónister satyp alýǵa ketetin shyǵyn 14,6 paıyz, nan jáne jarma ónimderi 7,6 paıyz, qant, shaı jáne dámdeýishter 2,1 paıyz shamasynda eseptelip otyr», - delingen baspasóz baıanynda.
