Ótken aıda elimizdegi kúnkóristiń eń tómengi deńgeıi 18 myń 546 teńgeni qurady
ASTANA. QazAqparat - 2014 jylǵy qarashada kúnkóristiń eń tómengi deńgeıiniń shamasy 18 myń 546 teńgeni qurady. Bul týraly Ulttyq ekonomıka mınıstrligi Statıstıka komıtetiniń baspasóz qyzmetinen habarlandy.
«Negizgi tamaq ónimderin tutynýdyń eń tómengi normalary boıynsha eseptelgen orta eseppen halyqtyń jan basyna shaqqandaǵy kúnkóristiń eń tómengi deńgeıiniń shamasy 2014 jylǵy qarashada ótken aımen salystyrǵanda 9,1 paıyzǵa tómendedi. Bul kórsetkish 2013 jylǵy qarashamen salystyrǵanda 8,9 paıyzǵa joǵary», - delingen baspasóz baıanynda.
Kúnkóris deńgeıiniń qurylymynda et pen balyqty satyp alýǵa jumsalǵan shyǵystardyń úlesi 22,8 paıyzdy, sút, maı jáne toń maı ónimderi men jumyrtqa 16,8 paıyzdy, jemister men kókónister 10,2 paıyzdy, nan jáne jarma ónimderi 8 paıyzdy, qant, shaı jáne dámdeýishterdi - 2,2 paıyzdy quraǵan.
Al jikteýge kelsek, kúnkóristiń eń tómengi deńgeıiniń shamasy 13 jastaǵy balalar úshin 14 myń 774 teńgeni, 18 jastan asqan eńbekke qabiletti erler úshin - 22 076, áıelder úshin - 17 531 teńgeni, al zeınetker qarttar úshin 17 myń 397 teńgeni qurap otyr.
