Ótken aıda elimizdegi kúnkóristiń eń tómengi deńgeıi 14 myń 581 teńgeni qurady
ASTANA. Qyrkúıektiń 1-i. QazAqparat /Qanat Mámetqazyuly/ -2010 jylǵy tamyz aıynda elimizdegi eń tómengi kúnkóris deńgeıiniń shamasy 14 myń 581 teńgeni qurady. Bul týraly QazAqparat Statıstıka agenttiginiń baspasóz qyzmetine silteme jasap habarlaıdy.
Keltirilgen málimetterge qaraǵanda, negizgi tamaq ónimderin tutynýdyń eń tómengi normalarynan orta eseppen halyqtyń jan basyna shaqqandaǵy kúnkóristiń eń tómengi deńgeıiniń shamasy 2010 jylǵy tamyzda ótken aımen salystyrǵanda 6,1 paıyzǵa artqan. Al osy kórsetkish byltyrǵy 2009 jyldyń tamyz aıymen salystyrǵanda 7,5 paıyzǵa ósken. Bunyń qurylymynda et pen balyqty satyp alýǵa jumsalǵan shyǵystardyń úlesi 18,5 paıyz, sút, maı-toń maı ónimderi men jumyrtqany satyp alý- 14,2 paıyz, jemister men kókónisterdi - 16,8 paıyz, nan jáne jarma ónimderin - 7,9 paıyz, qant, shaı jáne dámdeýishterdi satyp alý 2,6 paıyzdy qurady.
