Ótken aıda elimizdegi kúnkóris deńgeıi 19 myń 51 teńgeni qurady
ASTANA. QazAqparat - 2015 jylǵy aqpanda kúnkóristiń eń tómengi deńgeıiniń shamasy 19 051 teńgeni qurady. Bul týraly QR Ulttyq ekonomıka mınıstrligi Statıstıka komıtetiniń baspasóz qyzmetinen habarlandy.
Statıstıka komıtetiniń málimetine qaraǵanda, 2015 jylǵy aqpanda ótken aımen salystyrǵanda negizgi tamaq ónimderin tutynýdyń eń tómengi normalarynan eseptelgen orta eseppen halyqtyń jan basyna shaqqandaǵy kúnkóristiń eń tómengi deńgeıiniń shamasy ózgergen joq. Degenmen, bul kórsetkish 2014 jylǵy aqpanmen salystyrǵanda 7,8 paıyzǵa joǵary.
«Onyń qurylymynda et pen balyqty satyp alýǵa jumsalǵan shyǵystardyń úlesi 22,1 paıyzdy, sút, maı jáne toń maı ónimderi men jumyrtqa - 17 paıyzdy, jemister men kókónister - 10,8 paıyz, nan jáne jarma ónimderi - 8 paıyz, qant, shaı jáne dámdeýishteri 2,1 paıyzdy qurady», - delingen baspasóz baıanynda.
