Ótken aıda elimizdegi ınflıatsııa deńgeıi 0,7 paıyz deńgeıinde boldy

dep habarlaıdy QazAqparat.

Statıstıka agenttiginiń málimetterine qaraǵanda, ótken aıda baǵa azyq-túlik taýarlaryna 1 paıyz, azyq-túlik emes taýarlarǵa jáne aqyly qyzmet kórsetýlerge 0,4 paıyzǵa deıin ósken. Sonymen qatar, sáýir aıynda baǵanyń ósýi jemis-kókóniske - 3,5 paıyz, jumyrtqaǵa - 2,7 paıyz, shaıǵa - 2,2 paıyz, kondıterlik ónimderge - 1,6 paıyz, et ónimderine - 1,4 paıyz, qantqa 1,1 paıyz deńgeıinde belgilendi. Sol sekildi esepti kezeńde baǵanyń tómendeýi unǵa - 1,7 paıyzdy, jańa saýylǵan sútke - 1,3 paıyzdy, makaron ónimderine - 0,9 paıyzdy, kúrishke - 0,8 paıyzdy, jarmaǵa 0,4 paıyzdy quraǵan.

Sondaı‑aq, baǵa tsementke - 1,7, temeki ónimderine - 1,2, farmatsevtıkalyq dári-dármekterge - 0,8, jýý jáne tazalaý quraldaryna, kitap jáne gazetterge - 0,7, jeke gıgıena taýarlaryna - 0,6, úı turmysyna qajetti zattarǵa, kıim men aıaq kıimge 0,5 paıyzǵa deıin artqan.

Budan bólek baǵanyń ósimi densaýlyq saqtaý qyzmetterinde 1,5 - paıyzdy, meıramhanalar men qonaqúılerde - 1 paıyz, shashtarazdar men jeke qyzmet kórsetý oryndarynda 0,8 paıyzdy qurady.

Turǵyn úı kommýnaldyq qyzmet kórsetýler salasyndaǵy tólemder qoqys shyǵarý, turǵyn úı-jaılardy kútip ustaýǵa - 1,3 paıyz, elektr energııasy men ystyq sýǵa 0,2 paıyzǵa artqan.