Ótken aıda elimizdegi azyq-túlik baǵasy byltyrǵy jylmen salystyrǵanda 3,6 paıyzǵa ósken
ASTANA. Qarashanyń 5-i. QazAqparat /Qanat Mámetqazyuly/ - 2009 jyldyń qazan aıynda elimizdegi azyq-túlik baǵasy 2008 jyldyń qazan aıymen salystyrǵanda 3,6 paıyzǵa ósti.
Bul týraly QazAqparat QR Statıstıka agenttiginiń baspasóz qyzmetine silteme jasap habarlaıdy.
Agenttiktiń taratqan málimetterine súıensek, 2009 jylǵy qazanda 2008 jylǵy tıisti aıymen salystyrǵanda respýblıka boıynsha baǵa makaron ónimderine - 2,7 paıyz, sút ónimderine - 3,9 paıyz, kondıterlik ónimderge - 7,5 paıyz, toqash pen un ónimderine - 9,5 paıyz, alkogoldi ishimdikterge - 13 paıyz, kofe, shaı jáne kakaoǵa 23 paıyzǵa ósken. Sonymen birge, baǵanyń jarmaǵa jáne nanǵa - 2,7 paıyzǵa, jemister men kókónisterge -3,4 paıyz, unǵa - 12,1 paıyz, maı jáne toń maıyna 17,7 paıyzǵa tómendeýi baıqaldy.
Sondaı-aq atalǵan kezeńderde et jáne et ónimderi baǵasynyń ósimi 5,6 paıyzdy quraǵan. Atap aıtqanda, shoshqa etine baǵa deńgeıi 12,7 paıyzǵa, shujyq ónimderine - 8,1 paıyzǵa, jylqy etine - 4 paıyzǵa, qoı etine 0,5 paıyzǵa joǵarylasa, qus etiniń baǵasy 2,1 paıyzǵa tómendegen.
