Ótken aıda azyq-túlik taýarlarynyń baǵasy 2010 jylǵy tamyzben salystyrǵanda 12,8 paıyzǵa ósti

Bul týraly QR Statıstıka agenttiginiń baspasóz qyzmetinen habarlandy.

Agenttiktiń málimetterine qaraǵanda, 2011 jylǵy tamyzda 2010 jylǵy tıisti aımen salystyrǵanda baǵa jarmaǵa 2,2 ese, maı jáne toń maıǵa - 22,8 paıyz, unǵa - 22,6 paıyz, qantqa - 19,2 paıyz ósken. Sonymen qatar, baǵanyń ósýi sút ónimderine - 11,3 paıyzdy, jemister men kókónisterge - 10,8 paıyzdy, makaron ónimderine - 10,5 paıyzdy, kondıterlik ónimderge - 8,3 paıyzdy, kofe, shaı jáne kakaoǵa - 7,8 paıyzdy, alkogoldi ishimdikterge - 5 paıyzdy, nanǵa - 4,9 paıyzdy quraǵan. «Esepti kezeńde et jáne et ónimderi baǵasynyń ósimi 17,4 paıyzdy qurady. Bul rette qoı etine baǵa deńgeıi 23,8 paıyz, jylqy etine - 13,3 paıyz, shujyq ónimderine - 10,6 paıyz, qus etine - 7,3 paıyz, shoshqa etine - 6,8 paıyzǵa joǵarylady», - delingen baspasóz aıǵaǵynda.