Ótken aıda azyq-túlik ónimderiniń baǵasynda birshama ózgerister boldy
ASTANA. QazAqparat - 2015 jylǵy shildede Qazaqstan Respýblıkasynda 2014 jylǵy tıisti aımen salystyrǵanda azyq-túlik baǵasy 3,6 paıyzǵa ósti. Bul týraly QR Ulttyq ekonomıka mınıstrlirigiń baspasóz qyzmetinen habarlandy.
Atap aıtqanda, esepti kezeńde baǵa jarmalarǵa 19,9 paıyz, alkogoldi ishimdikterge - 8,2 paıyz, kofe, shaı jáne kakaoǵa - 7,6 paıyz, toqash jáne un ónimderine - 6,9 paıyzǵa, kondıterlik ónimderge - 6,8 paıyzǵa ósken.
«Sonymen birge, unǵa, balyq jáne teńiz ónimderine - 6,4 paıyzdan, nanǵa - 6,1 paıyz, makaron ónimderine - 4,5 paıyz, sút ónimderine - 4,3 paıyzǵa artty. Al baǵanyń tómendeýi qantqa 11,1 paıyz, maı jáne toń maıǵa - 1,2 paıyz, jemister men kókónisterge - 0,9 paıyzǵa baıqaldy. Atalǵan kezeńde et jáne et ónimderi baǵasynyń ósimi 1,8 paıyzdy qurady. Shujyq ónimderine baǵa deńgeıi 6,7, shoshqa etine - 5,5, qus etine - 1,2 paıyzǵa joǵary bolsa, qoı etine - 0,7 paıyzǵa tómendegen», delingen baspasóz baıanynda.
