Ótken aıda 21 tehnıkalyq baıqaý ortalyǵy ashyldy - Kólik jáne kommýnıkatsııa mınıstrligi
ASTANA. 4 sáýir. QazAqparat - Aǵymdaǵy jyldyń naýryz aıynda elimizde 21 tehnıkalyq baıqaý ortalyǵy ashyldy, dep habarlady QR Kólik jáne kommýnıkatsııa mınıstrliginiń baspasóz qyzmetinen.
Vedomstvonyń atap ótýinshe, búgingi kúni Qazaqstandaǵy tehnıkalyq baıqaý ortalyqtarynyń sany 116-ǵa jetti. Olar 116 statsıonarlyq jáne 114 mobıldi jelilerden quralǵan. Kóliktik baqylaý komıtetiniń málimeti boıynsha 159 505 kólik quraly tehnıkalyq baıqaýdan ótti.
Jańadan ashylǵan barlyq ortalyqtar QR Kólik jáne kommýnıkatsııa mınıstrliginiń resmı saıtynda, «Tehnıkalyq baıqaý ortalyqtarynyń tizimi» (http://3cm.kz/dbaad ) bóliminde ornalastyrylǵan TBO-nyń qoldanystaǵy kestesine engizilgen. Atalǵan silteme boıynsha óńirlerdegi árbir ortalyqtardyń jumys kestesi, mekenjaıy týraly aqparat alýǵa bolady.
