Ótken aptada tártip saqshylary uıymdasqan qylmystyq toptarǵa qatysty 5 is qozǵap, 4 azamatty qylmystyq jaýapqa tartty
ASTANA. Qarashanyń 2-si. QazAqparat /Aıdar Ospanalıev/ - Ótken aptada elimizdiń polıtseıleri uıymdasqan qylmyspen kúres salasynda 5 qylmystyq is qozǵap, uıymdasqan toptyń 4 múshesin qylmystyq jaýapqa tartty.
Bul málimetterdi búgin jýrnalıstermen bolǵan aptalyq brıfıngte Іshki ister mınıstrliginiń Til saıasaty jáne aqparat departamentiniń bastyǵy Qýanyshbek Jumanov málim etti, dep habarlaıdy QazAqparat.
Onyń aıtýynsha, polıtseıler zańsyz aınalymnan 2 tapansha men sholaq myltyq tárkilegen. Al arnaıy «Saransha» operatsııasynyń barysynda aqtóbelik polıtseıler Reseıde izdeýde júrgen «Leksýs-460» markili kóligin elimizge kontrabandalyq jolmen ákelý áreketiniń jolyn kesti. «Sondaı-aq Shymkent qalasynda elimizdiń 21 jasar turǵyny ustaldy. Ol ótken jyldyń qazan aıynda Almatydaǵy qazaq kólik jáne kommýnıkatsııa akademııasynyń 2-shi kýrs stýdentin soqqyǵa jyǵyp, sonyń saldarynan stýdent aýrýhanada kóz jumǵan bolatyn», dedi departament bastyǵy.
