Ótken aptada respýblıka aýmaǵynda jol-kólik oqıǵalary saldarynan 46 adam qaza boldy
ASTANA. 29 shilde. QazAqparat - Ótken aptada respýblıka aýmaǵynda jol polıtsııasynyń qyzmetkerleri 37,5 myń jol qozǵalysy erejelerin buzý faktilerin anyqtady, dep habarlaıdy Qazaqstan Respýblıkasy ІІM Jol polıtsııasy komıteti.
Onyń ishinde kólikti mas jáne esirtki qabyldaǵan kúıinde basqarýdyń 897 faktisin, 7,8 myńnan astam - jyldamdyq rejımin buzýdy, 669 - joldyń qarsy baǵytyna shyǵýdy, rýlde uıaly telefon paıdalanýdyń - 2,3 myń faktisin, 645 jaıaý júrginshiler ótpesinen ótý buzýshylyqtaryn anyqtady.
Sonymen qatar, 2,6 myńnan astam jaıaý júrginshi JQE buzǵan.
22-29 shilde aralyǵynda 338 jol-kólik oqıǵasy tirkeldi, onda 46 adam qaza boldy, 415 adam ár túrli dárejede dene jaraqatyn aldy.
