Ótken aptada respýblıka aýmaǵynda 1 tonnadan astam esirtki tárkilendi

Bul týraly búgin jýrnalıstermen bolǵan brıfıngte Іshki ister mınıstrligi Memlekettik til jáne aqparat departamentiniń basshysy Nurdildá Oraz málim etti.

Atap aıtqanda, Jambyl oblystyq ishki ister departamentiniń polıtseıleri jedel-izdestirý is-sharalaryn ótkizý kezinde Merke aýdanynan Taraz qalasynyń 44 jastaǵy turǵynyn ustady. Tekserý barysynda odan 657 keli daıyndalǵan marıhýana tabyldy. Osy oblys aýmaǵynda «Delta-dolına» esirtki bıznesine qarsy kúres óńiraralyq bóliminiń qyzmetkerleri Rysqulov aýdanynyń Qoraǵaty aýylynda 405 keli marıhýana alyp bara jatqan Almaty oblysynyń 47 jastaǵy turǵynyn ustady. Sondaı-aq kóliktegi polıtseıler Jambyl oblysynyń «Shý-Qumózek» stansalary aralyǵynda Qyrǵyzstannyń 47 jastaǵy azamatyn ustap, odan 153 keli keptirilmegen marıhýana tárkiledi.

«Ustalǵan azamattar ýaqytsha oqshaýlaý ornyna qamaldy. Іri kólemde esirtki zatyn saqtaǵandary úshin qylmystyq is qozǵalyp, tergeý amaldary júrgizilýde», - dedi N.Oraz.