Ótken aptada polıtsııa qyzmetkerleri 100 esirtki qylmysyn ashty - QR ІІM
ASTANA. 9 naýryz. QazAqparat - Ótken aptada polıtsııa qyzmetkerleri 100 esirtki qylmysyn ashty, dep habarlady QR ІІM baspasóz qyzmetinen.
«Ótken aptada polıtsııa qyzmetkerleri 100 esirtki qylmysyn, onyń ishinde esirtki satýdyń 47 faktisin anyqtady. Sonymen qatar 80 keli esirtki, onyń ishinde 9 keli geroın tárkiledi», - delingen vedomstvo aqparatynda.
Máselen, Astanada polıtsııa qyzmetkerleri júrgizgen arnaıy operatsııa barysynda 29 jastaǵy jergilikti turǵyn óz úıinde ustaldy. Onyń úıin tintý kezinde 17,5 keliden astam marıhýana tárkilendi. Odan ári júrgizilgen is-sharalardyń barysynda atalǵan azamattyń avtoturaǵynan taǵy da 42 kelige jýyq marıhýana tabyldy. Tárkilengen esirtkiniń jalpy salmaǵy 60 kelige jýyqty qurady. Kúdikti qamaýǵa alyndy. Sonymen qatar asa iri mólsherde esirtki saqtaý faktisi boıynsha qylmystyq is qozǵalyp, tergeý amaldary júrgizilýde.
