Ótken aptada Lıvııa jaǵalaýynda 480 bosqyn qutqaryldy — HKU
ASTANA.KAZINFORM — Ótken aptada Lıvııa jaǵalaýynda 480 mıgrant qutqaryldy. Bul týraly dúısenbide Halyqaralyq kóshi-qon uıymy (HKU) habarlady, dep jazady Sınhýa agenttigi.
«2024 jyldyń 24-30 naýryzy aralyǵynda 480 mıgrant ustalyp, Lıvııaǵa qaıtaryldy», — delingen habarlamada.
HKU habarlaýynsha, qutqarylǵandardyń arasynda 26 áıel men bes bala bar, sondaı-aq eki adamnyń óli denesi tabyldy.
Jyl basynan beri Lıvııa jaǵalaýynda 3 791 mıgrant qutqaryldy, taǵy 120 adam qaza tapty, 253-i habar-osharsyz ketti.
Kóptegen mıgranttar, ásirese afrıkalyqtar 2011 jyly Mýammar Kaddafı rejımi qulaǵannan keıin haos oryn alǵan Lıvııa aýmaǵynan Jerorta teńizi arqyly Eýropaǵa jetýge tyrysady.
Lıvııanyń ishki ister mınıstri Emad at-Tarabelsı 2024 jyly Іshki ister mınıstrligi 20 myńnan astam zańsyz mıgranttardy elge qaıtarýdy josparlap otyrǵanyn aıtty.
