Ótken aptada Qazaqstanda 2 800-den astam qylmys tirkeldi

ASTANA. QazAqparat – Bir aptada elimiz aýmaǵynda 2 879 qylmys tirkeldi, dep habarlaıdy QazAqparat tilshisi.

«Bir apta ishinde 2879 qylmys jasaldy, onyń 1 779-y táýlik ishinde ashyldy. Polıtsııa qyzmetkerleri izin sýytpaı 5 kisi óltirýdi, 5 ólimge ákep soqqan densaýlyqqa qasaqana aýyr zııan keltirýdi, 29 tonaý, 1 qaraqshylyq shabýyldy jáne 398 bóten múlikti urlaý qylmystaryn ashty», - dep málim etti Іshki ister mınıstrligi baspasóz qyzmetiniń ókili Shuǵyla Turlybek vedomstvonyń baspasóz alańynda ótken brıfıngide.

Eske salaıyq, osydan bir apta buryn da el aýmaǵynda 2800-den astam qylmys jasalǵan edi. Ol joly quqyq qorǵaý organdary 10 kisi óltirý qylmysyn izin sýytpaı ashty.