Ótken aptada elimizde 277 tótenshe jaǵdaı tirkeldi

ASTANA. QazAqparat - TJM ótken aptada elimizde 277 tótenshe jaǵdaı tirkelgenin málimdedi, dep habarlaıdy QazAqparat.

Onyń 74-i tabıǵı sıpattaǵy, 203-i tehnogendik sıpattaǵy oqıǵalar.

«Qutqarýshylar tótenshe jaǵdaı ornyna barlyǵy 1995 ret shyqty. 159 adam, onyń ishinde 55 bala qutqaryldy, 8 adam, onyń ishinde 3 bala evakýatsııalandy», - dep jazdy vedomstvodan.

Mınıstrliktiń derekterine qaraǵanda, bir apta ishinde elimizde 219 órt, 1 123 janý, 224 basqa da tótenshe oqıǵalar oryn alǵan.

112 qutqarý qyzmetine 146 693 qońyraý tússe, 184 daýyldy eskertý jiberildi.