Ótken aptada elde jasalǵan 2 myń 8 qylmystyń 1 myń 588-niń izi sýymaı ashyldy - aptalyq brıfıng
ASTANA. Sáýirdiń 14-i. QazAqparat /Aıdar Ospanalıev/ - Ótken aptada elde 2 myń 8 qylmys jasalyp,olardyń 1 myń 588-niń izi sýymaı ashyldy.
Sonymen qatar 363 buryn jasalǵan qylmystar áshkerelenip, qylmys jasady degen kúdikpen 66 adam ustalyp, 8 atys qarýy tárkilendi. Bul týraly búgin jýrnalıstermen bolǵan brıfıngte Іshki ister mınıstrliginiń Til saıasaty jáne aqparat departamentiniń bastyǵy Qýanyshbek Jumanov málim etti, dep habarlaıdy QazAqparat.
Onyń málimetteri boıynsha, apta ishinde elde esirtkimen baılanysty 165 qylmys tirkelgen. Onyń 39 faktisi esirtkini saýdalaýǵa qatysty bolyp otyr. Zańsyz aınalymnan 4,5 keli esirtki alyndy. «Qaraǵandyda birneshe gramm geroındi saýdalaý kezinde 40 jastaǵy azamat ustalyp, onyń úıin tekserý kezinde 2 keli geroın tabyldy.
Al Pavlodar oblysyndaǵy arnaıy júrgizilgen operatsııa barysynda aımaqtaǵy kásiptik-tehnıkalyq lıtseıdiń aınalasynda 8 gramm marıhýanany mektep oqýshylaryna satpaq bolǵan, buryn sottalǵan 27 jasar azamat ustaldy. Osy áreket boıynsha qylmystyq is qozǵaldy», dedi departament bastyǵy.
