Ótken aptada el aýmaǵynda 6696 qylmys tirkeldi - ІІM
ASTANA. 9 qazan. QazAqparat - Ótken aptada el aýmaǵynda 6696 qylmys tirkeldi. Bul týraly búgin QR Іshki ister mınıstrliginiń resmı ókili Nurdildá Oraz málim etti.
«Apta ishinde 6 696 qylmys tirkelip, «izi sýymaı» 2 875 qylmystyń beti ashyldy. Buryn jasalǵan 613 qylmys, onyń ishinde ótken jyldar sanatyndaǵy 17 qylmys ashyldy. Іzdeý jarııalanǵan 75 qylmysker ustalyp, 3 dana qarý tárkilenip alyndy», - dedi ol. Sonymen qatar resmı ókildiń aıtýynsha, esirtkiniń zańsyz aınalymyna baılanysty 46 qylmys anyqtaldy, onyń ishinde 21-i satý faktisi. 53 kelige jýyq esirtki zaty, sonyń ishinde 140 gramnan astam geroın tárkilenip alyndy.
