Ótken aptada áleýmettik mańyzy bar azyq-túlik taýarlary 0,2%-ǵa qymbattady

ASTANA. QazAqparat - Ótken aptada áleýmettik mańyzy bar azyq-túlik taýarlarynyń baǵalary 0,2%-ǵa, jyldyq mánde 23,6%-ǵa ósti, dep habarlaıdy QazAqparat Ulttyq statıstıkalyq bıýro málimetterine silteme jasap.

Áleýmettik mańyzy bar azyq-túlik taýarlarynyń tizbesine 19 ataý kiredi. Baǵa ózgerisi týraly kórsetkishter apta saıyn jańaryp otyrady. Baǵanyń ózgerýi týraly aqparat barlyq oblys ortalyǵynan, respýblıkalyq mańyzy bar qalalardan jáne astanadan jınalady. Ol úshin eldimekenniń ártúrli bólikterinde ornalasqan taýarlardyń keń assortımenti bar ártúrli tıptegi saýda obektileri (gıpermarketter, sýpermarketter, dúkender, kommýnaldyq bazarlar, áleýmettik dúkender men pavılondar) tańdalady.

QR boıynsha áleýmettik mańyzy bar keıbir taýarlardyń ortasha baǵasy /2023 jylǵy 7 naýryz/:

Sút 2,5% – 355 tg/l

Qumsheker – 454 tg/kg

Kúrish – 383 tg/kg