Ótken aptada álemde koronavırýs ınfektsııasyn juqtyrǵandar 5,8 mıllıonnan asty
Bul týraly QazAqparat QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııasynyń Telegram kanalyna silteme jasap habarlaıdy.
Keıbir Eýropa elderinde aýrýdyń kúrt ósýi baıqalady. Qazir Frantsııada kúnine 150 myńnan astam adam vırýs juqtyrady. Bul eldegi naýryz aıynyń sońynan keıingi eń joǵary kórsetkish. Odan keıin Germanııa, onda kún saıyn 130-140 myń turǵynnan koronavırýs anyqtalady. Úshinshi orynda Italııa, onda kórsetkishter táýligine 100 myń jańa jaǵdaıdan asyp tústi.
«Sondaı-aq, jazdyń basynan beri Ispanııada aýrý eki ese, Avstrııa men Nıderlandyda úsh ese, Gretsııada tórt, Belgııada alty ese ósti. Tómendeý tek Portýgalııada baıqalady, al Shyǵys Eýropanyń birqatar elderinde jaǵdaı turaqty»,-delingen habarlamada.
Foto: en.kabar.kg
