Ótken aptada 61 adamnyń ajaly sýdan keldi
NUR-SULTAN. QazAqparat – Ótken apta ishinde el aýmaǵynda 61 adam sýǵa batyp ketken. Onyń 22-si bala, dep habarlaıdy QazAqparat tilshisi.
Bul týraly QR ІІM Tótenshe jaǵdaılar komıtetiniń tóraǵasy Vladımır Bekker arnaıy brıfıngte aıtty.
Tek senbi-jeksenbi kúnderi ǵana Qazaqstan boıynsha 22 adam sýǵa ketken. Onyń jeteýi bala.
«Bir aptada 61 adam kóz jumdy. Onyń 22-si bala. Komıtettiń qaýipsizdik erejelerin túsindirý boıynsha júrgizgen jumysy nátıje bermeı jatyr. Turǵyndar qaýipsizdik sharalaryna selqos qaraıdy. Qaıǵyly oqıǵalardyń basty sebebi osy. Jabdyqtalmaǵan orynda shomylý, balany qaraýsyz qaldyrý, óz kúshin durys baǵalamaı. Aqmola oblysynda 11 adam qaza tapqan. Onyń úsheýi bala. Almaty, Atyraý, Pavlodar oblysynda 3 baladan. Pavlodarda bir úıdiń eki balasy bir ýaqytta mert bolǵan», - dedi Vladımır Bekker.
Brıfıng barysynda komıtet basshysy BAQ arqyly úndeý joldaǵysy keletinin jetkizdi.
«Mamandardyń aıtýynsha, shildeniń sońyna deıin ystyq saqtalady. ıAǵnı, jaǵajaılarda adam qarasy áli de azaıa qoımaıdy. Sondyqtan azamattardan shomylý kezinde qaýipsizdiktiń qarapaıym erejelerin saqtaýdy suraımyn. Al eresekterden balalardy qaraýsyz qaldyrmaýdy ótingim keledi», - dedi Vladımır Bekker.
