Ótken aptada 3184 qylmys tirkeldi

NUR-SULTAN. QazAqparat – Ótken aptada respýblıka boıynsha 3184 qylmys tirkelgen. Bul týraly QR Іshki ister mınıstrliginiń ókili Shuǵyla Turlybek vedomstvonyń onlaın brıfıngisinde aıtty, dep habarlaıdy QazAqparat tilshisi.

«Bir apta ishinde 3184 qylmys jasaldy. Onyń 1958-i táýlik ishinde ashyldy. Polıtsııa qyzmetkerleri izin sýytpaı jeti kisi óltirý qylmysyn, eki ólimge ákep soqqan densaýlyqqa qasaqana aýyr zııan keltirý qylmysyn, bir qaraqshylyq, 45 tonaý jáne 450 bóten múlikti urlaý qylmysyn ashty», - dedi ІІM ókili.

Buǵan deıin Memleket basshysy Qasym-Jomart Toqaev Іshki ister mınıstri Marat Ahmetjanovty qabyldaǵan edi.

Kezdesý qorytyndysy boıynsha Prezıdent Qasym-Jomart Toqaev ishki ister organdaryn tsıfrlandyrý, jol apattarynyń aldyn alý jumystaryn jandandyrý mańyzdy ekenin atap ótti. Prezıdent elimizdegi qaýipsizdik pen quqyqtyq tártipti odan ári qamtamasyz etý jóninde birqatar mindet júktedi.