Ótken aptada 3 myńǵa jýyq qylmys tirkeldi

NUR-SULTAN. QazAqparat – Ótken aptada elimiz boıynsha 2951 qylmys tirkelip, onyń 1955-i táýlik ishinde ashylǵan, dep habarlaıdy QazAqparat tilshisi.

Bul týraly QR Іshki ister mınıstrliginiń resmı ókili Nurdildá Oraz vedomstvonyń aqaparat alańynda ótken onlaın brıfıngte aıtty.

«Bir apta ishinde 2951 qylmys jasaldy. Onyń 1955-i táýlik ishinde ashyldy.

Polıtsııa qyzmetkerleri «izin sýytpaı» 12 kisi óltirýdi, 4 ólimge ákep soqqan densaýlyqqa qasaqana aýyr zııan keltirýdi, 2 qaraqshylyq, 34 tonaý jáne 441 bóten múlikti urlaý qylmystaryn ashty», - dedi ІІM resmı ókili.