Ótken aptada 15 kisi óltirý qylmysy áshkerelendi

NUR-SULTAN. QazAqparat – Ótken apta ishinide elimizdiń aýmaǵynda 3 myńnan astam qylmys jasaldy. Bul týraly QR Іshki ister mınıstrliginiń resmı ókili Nurdildá Oraz málim etti, dep habarlaıdy QazAqparat tilshisi.

«Bir apta ishinde 3 121 qylmys jasaldy, onyń 2 071 táýlik ishinde ashyldy. Polıtsııa qyzmetkerleri «izin sýytpaı» 15 kisi óltirýdi, 1 ólimge ákep soqqan densaýlyqqa qasaqana aýyr zııan keltirýdi, 3 qaraqshylyq, 37 tonaý jáne 519 bóten múlikti urlaý qylmystaryn ashty», - dedi resmı ókil ІІM baspasóz qyzmeti alańynda ótken brıfıng barysynda.

Sonymen qatar ol ótken aptada qazaqstandyq tártip saqshylary kásibı mereke-polıtsııa kúnin atap ótkendigin eske saldy.

«Ókinishke qaraı, Táýelsizdik jyldary qyzmettik boryshyn oryndaý kezinde 802 qyzmetker qaza taýyp, 2 650 adam jaraqat aldy. Іshki ister organdary qyzmetkerleriniń qaısarlyǵy men batyldyǵyn el basshylyǵy únemi joǵary baǵalaıdy. Osy jyldyń ózinde Memleket basshysynyń Jarlyqtarymen 27 qyzmetker memlekettik nagradalarmen, ishki ister organdarynyń 3 560 qyzmetkeri vedomstvolyq nagradalarmen marapattaldy», - dedi Nurdildá Oraz.