Ótken aptada 11 kisi óltirý qylmysy áshkerelendi - ІІM

ASTANA. QazAqparat – Bir apta ishinde elimizdiń aýmaǵynda 2 775 qylmys jasaldy. Bul týraly ІІM ókili Shuǵyla Turlybek aıtty, dep habarlaıdy QazAqparat tilshisi.

«Bir apta ishinde elimizdiń aýmaǵynda 2 775 qylmys jasalyp, onyń 1 681-si táýlik ishinde ashyldy. Polıtsııa qyzmetkerleri «izin sýytpaı» 8 kisi óltirýdi, 3 ólimge ákep soqqan densaýlyqqa qasaqana aýyr zııan keltirýdi, 3 qaraqshylyq, 44 tonaý jáne 378 bóten múlikti urlaý qylmystaryn ashty», - dedi Shuǵyla Turlybek mınıstrliktiń baspasóz qyzmeti alańynda ótken brıfıngte.

Sonymen qatar ol Іshki ister mınıstri Marat Ahmetjanov Mańǵystaý oblysynyń turǵyndarymen kezdeskenine toqtaldy. Kezdesý barysynda óńirde 71 urlyq, 1 mal urlyǵy, sondaı-aq jyl basynan beri bir aı ishinde 26 alaıaqtyq faktisi tirkelgeni aıtylǵan.