Ótken apta ishinde 5570 qylmys jasalyp, onyń 2635-i "izi sýymaı" ashyldy
ASTANA. 25 sáýir. QazAqparat - Ótken apta ishinde elimizde 5570 qylmys jasaldy. Bul týraly búgin ІІM ótken brıfıng barysynda vedomstvonyń baspasóz qyzmetiniń basshysy Nurdildá Oraz málim etti.
«Bir apta ishinde 5570 qylmys jasalyp, «izi sýymaı» 2635 qylmys ashyldy. Buryn jasalǵan 806 qylmys, onyń ishinde 159 ótken jyldardaǵy qylmystar ashyldy», - deıdi N. Oraz. Onyń aıtýynsha, atalǵan merzimde 87 qylmysker izdestirilip, tabyldy, 5 qarý tárkilendi.
«Budan bólek, 85 esirtki qylmysy, onyń ishinde esirtki satýdyń 41 faktisi anyqtaldy. 29 keli esirtki quraly, onyń ishinde tórt keliden astam geroın tárkilendi», - dedi ol.
